Njësitë Speciale të Policisë nën udhëheqjen e Prokurorisë së Pejës janë duke zhvilluar një aksion të gjerë anti-drogë në zonën e Dukagjinit.
Mësohet se deri tani janë bastisur disa lokacione dhe janë arrestuar disa persona.
Nga bastisjet janë gjetur bimë të marihuanës që kanë qenë në fazën e tharjes, ndërsa përveç të arrestuarve janë sekuestruar edhe prova tjera, si armë e lloje të drogave që besohet se janë të llojit kokainë dhe marihuanë.
