Bashkësia Islame e Kosovës sot ka mbajtur një konferencë për media lidhur me grevën e arsimit në Kosovë, raporton KosovaNews.
Myftiu i Kosovës, Naim Tërnava, tha se i mbështet kërkesat e SBAShK-ut dhe u ka bërë thirrje të punësuarve në arsim dhe shërbyesve civilë që ta ndërpresin grevën. të gjithë sindikalistëve që ta ndërprejnë grevën për hir të misionit që ka kjo kategori.
“Më vëmendje kam përcjell zhvillimet që kanë të bëjnë me grevën. Mbështesim kërkesën e mësimdhënësve për pagë të dinjitetshme, pasi kanë mision të shenjtë. Thërras SBAShK-un që për hir të misionit që bartin mbi vete, sot ta ndërpresin grevën dhe nesër fëmijët tanë t’i kthehen bankave shkollore, aty ku e kanë vendin”, ka thënë Tërnava para mediave.
“Gjithashtu, thërras Sindikatën e shërbyesve civilë që ta ndërpresin grevën dhe të kthehen në vendin e punës në mënyrë që institucionet e shtetit të ç’bllokohen. Ndërsa, i bëj thirrje Qeverisë së Kosovës që ta miratojë sa më parë Ligjin e Pagave dhe të merren parasysh kërkesat e grevistëve. Të gjithë jemi të bindur se nuk është koha për përplasje e barrikadim, por unitet veprues”.
