Kryetari i Komunës së Prizrenit, Shaqir Totaj, i cili vjen nga radhët e Partisë Demokratike të Kosovës (PDK) ishte në telashe të mëdha për sigurimin e votave në asamble.
Por Totaj nuk e kishte problem që të bëjë pazare me asamblistë të partive të tjera, duke i joshur me favore e poste të ndryshme për familjarët e tyre dhe për sekserët e votave.
Në një audioincizim ekskluziv të siguruar nga Kosovanews, cili duket së është bërë në një restorant në Prizren, kryetari Shaqir Totaj dëgjohet duke bërë pazare me X- personin për poste të ndryshme deri në përzgjedhjen për drejtorë të shkollave dhe auditor të komunës.
Këso pazari – shitblerje të votës, ka bërë edhe në rastin e një asamblisteje nga radhët e Vetëvendosjes, për çka Totaj mandej ia ka bërë bashkëshortin drejtor të një shkolle.
“Kemi pas bashkëpunim me asamblistë të partive tjera çka i japim e shohim e diçka i japim ta kqyrmi, qeshtu kemi ba marrëveshje edhe me këtë O… ai na i ka dy vota në asamble, kemi ba marrëveshje që kur të na duhet me vota me na votu…”, dëgjohet kryetari Shaqir Totaj teksa bën pazarin me X- personin.
Se për çka bëhet fjalë do ta mësoni pas pak në audioincizimin e siguruar nga KosovaNews.
