Institucionet e Kosovës përveç kontrollit dhe sigurisë në pjesën veriore të Kosovës, tashmë kanë filluar edhe investimet kapitale në atë zonë.
Ministria e Infrastrukturës ka ditë që është duke punuar në pikat kufitare përreth territorit të Kosovës përfshirë edhe ato në pjesën veriore në kufi me Serbinë.
Zëvendësministri i Infrastrukturës Hysen Durmishi, ka njoftuar se është duke vazhduar investimi për rregullimin e pikave kufitare për të lehtësuar punën e Policisë Kufitare.
Ai thotë se pas Morinës e Bërnjakut, pika kufitare në Jarinjë ka ndryshuar pamjen dhe do të vazhdojnë me Merdaren dhe pikat tjera kufitare.
