Ndonëse është dita e 24-të e grevës dhe drejtuesit e SBASHK-ut nuk po lëshojnë pe dhe po mbajnë gjithë sistemin arsimor të bllokuar, janë disa shkolla në qytete të ndryshme të vendit që po thyejnë grevën dhe e kanë filluar vitin e ri shkollor. E thirrjes për të nisur mësimin i është bashkuar edhe Amir Pllani, drejtor i Gjimnazit “Hivzi Sulejmani”, në Fushë-Kosovë, raporton KosovaNews.
Ai përmes një shkrimi-thirrje drejtuar mësimdhënësve në rrjetin social Facebook, ka thënë se shkolla nuk duhet të mbyllët për nxënësit në asnjë rrethanë vetëm për fatin se po i duam nga 100 euro.
Sipas tij, instrumenti i tillë i aplikuar nga SBASHK-u tani më është i demoduar dhe jashtë kohës dhe ka bërë që mësimdhënësit të jenë në pikën kritike të turpërimit, e të mos dalin as në rrugë të shihen nga nxënësit, prindërit e gjyshërit.
“Shkolla nuk bënë të mbyllët për nxënësit në asnjë rrethanë; (sepse ne po i duam nga 100 Euro…). Instrumenti i tillë i aplikuar nga SBASHK-u tani më është i demoduar dhe jashtë kohës. Kemi arritur (po flasë për vetën time) në pikën kritike që jemi duke u turpëruar të dalim në rrugë, para nxënësve të dashur, prindërve të nderuar dhe gjyshërve emblematik. Ftesë për të gjithë: Ju lutëm mos u mbyllni por manifestoni përgjegjësitë e juaja duke zhvilluar dialog e komunikim në mes të qeverisë dhe partnerëve social për zgjidhje të shpejtë dhe fillim të vitit shkollor që nga nesër sepse me vetëdije apo pa jemi duke e mbytur shpresën e së ardhmes. Në këto rrethana: Nuk na duhet fitorja e Pirros”, ka thënë mes tjerash drejtori Pllana./KosovaNews/
Shkrimi i plotë i drejtorit Amir Pllana:
GJIMNAZI ” HIVZI SULEJMANI” NË FUSHË – KOSOVË
Prioritetet – objektivat shtetërore: Arsimi, Shëndetësia dhe Policia (Siguria publike).
Për Mësuesin – Mësimdhënësin;
1) Ngritje profesionale, performanca në punë, rezultatet në të nxënë, kompetencat dhe kontroll të vazhdueshëm.
2) Zbatimi i kontratës kolektive (shujta ditore, rruga etj).
3) Ngritje të pagës për mësimdhënësin shembullor krahas performancës dhe ngritjes ekonomike të shtetit për çdo vit kalendarik.
Shkolla nuk bënë të mbyllët për nxënësit në asnjë rrethanë; (sepse ne po i duam nga 100 Euro…). Instrumenti i tillë i aplikuar nga SBASHK-u tani më është i demoduar dhe jashtë kohës.
Kemi arritur (po flasë për vetën time) në pikën kritike që jemi duke u turpëruar të dalim në rrugë, para nxënësve të dashur, prindërve të nderuar dhe gjyshërve emblematik.
Ftesë për të gjithë: Ju lutëm mos u mbyllni por manifestoni përgjegjësitë e juaja duke zhvilluar dialog e komunikim në mes të qeverisë dhe partnerëve social për zgjidhje të shpejtë dhe fillim të vitit shkollor që nga nesër sepse me vetëdije apo pa jemi duke e mbytur shpresën e së ardhmes.
Në këto rrethana: Nuk na duhet fitorja e Pirros.
