Një person në Prishtinë është arrestuar për shkak të dyshimit se ka ngacmuar seksualisht një grua.
Sipas njoftimit nga Policia, rasti ka ndodhur më 11 maj ndërkaq i dyshuari është arrestuar. Me vendim të prokurorit, i dyshuari pas intervistimit është dërguar në mbajtje.
Ndërkaq në Rahovec ka ndodhur një rast edhe më i rëndë. Atje është arrestuar një person i cili dyshohet se verbalisht ka ngacmuar një grua, e cila ishte me fëmijën e saj.
Rasti njoftohet se ka ndodhur të mërkurën.
Sipas njoftimit të policisë i dyshuari dhe gruaja që është ngacmuar janë përleshur mes veti dhe si pasoj kanë pësuar lëndime trupore.
Bëhet e ditur se me vendim të prokurorit, i dyshuari është dërguar në mbajtje për 48 orë deri në marrjen e një vendimi tjetër nga organet e drejtësisë.
Njoftimet e plota të Policisë së Kosovës për rastin në Prishtinë dhe Rahovec:
Prishtinë 14.09.2022 – 08:00. Është arrestuar i dyshuari mashkull kosovar për shkak se e kishte ngacmuar duke i shkuar prapa viktimës femër kosovare me të cilën kishte qenë në lidhje dashurie. Me veprimet që i kishte bërë i dyshuari tek viktima kishte ngjallur shqetësim. Me vendim të prokurorit, i dyshuari është dërguar në mbajtje.
NGACMIM SEKSUAL & LËNDIM I LEHTË TRUPOR/Rahovec 14.09.2022-22:00. Është arrestuar i dyshuari mashkull kosovar nën dyshimin se i njëjti i ka ngacmuar verbalisht dy viktimat një femër me fëmijën e saj mashkull kosovar-e . I dyshuari dhe viktima femër janë përleshur mes veti dhe si pasoj kanë pësuar lëndime trupore. Me vendim të prokurorit, i dyshuari është dërguar në mbajtje .
