Kryeministri i Kosovës, Albin Kurti ka shkuar në Shqipëri për një takim me homologun e tij shqiptar, Edi Ramën.
Abcnews raporton se Kurti ka arritur pak më herët, ndërsa nuk dihen ende detajet e takimit.
Kujtojmë se mbledhja e 8-të e përbashkët mes dy qeverive asaj të Shqipërisë dhe Kosovës u mbajt me 20 qershor, ndërsa u firmosën 19 marrëveshje. Fryt i marrëveshjes mes dy qeverive ishte edhe abetarja e përbashkët unike, e cila këtë fillim viti të ri shkollor është në duar të vogëlushëve të dy vendeve.
Sa i përket nismës ‘Open Balkan’, Shqipëria dhe Kosova vijojnë të kenë qëndrime të kundërta. Kreu i qeverisë Edi Rama vazhdimisht ka ftuar Kosovën të bëhet pjesë. Madje në përplasjet e fundit në veri të Kosovës për çështjen e dokumenteve të identifikimit dhe targat me Serbinë, Rama tha se kjo nuk tregoi se Ballkani i Hapur është i panevojshëm apo i gabuar, por përkundrazi se është një domosdoshmëri.
.
