Kryeministri i Kosovës, Albin Kurti ka uruar Liz Truss për zgjedhjen e saj si kryeministrja e ardhshme e Mbretërisë së Bashkuar.
Kurti përmes një postimi në Twitter ka shkruar se pret me padurim që të punoj me kryeministren Truss për vlerat dhe prioritetet e përbashkëta.
“Urime kryetares së re të Partisë Konservatore në Mbretërinë e Bashkuar, Liz Truss. Pres me padurim të punoj me kryeministren Truss për vlerat dhe prioritetet e përbashkëta, duke përfshirë sundimin e ligjit, përparimin ekonomik, njohjen reciproke ndërmjet Kosovës dhe Serbisë dhe sigurinë e shtuar përballë agresionit rus”, ka shkruar Kurti.
Liz Truss është emëruar si pasuese e Boris Johnson, duke u bërë kryeministrja e 56-të e Mbretërisë së Bashkuar.
Congratulations to new UK Conservative Party Leader @trussliz. I look forward to working w/ PM Truss on shared values & priorities, including rule of law, economic progress, mutual recognition between Kosova & Serbia, and enhanced security in the face of Russian aggression. pic.twitter.com/tbnL82EgQQ
— Albin Kurti (@albinkurti) September 6, 2022
Liz Truss është zgjedhur kryeministre e Britanisë së Madhe.
Ajo, tre muaj më parë pati pritur në takim kryeministrin e vendit, Albin Kurti, gjatë një vizite të këtij fundit në Britaninë e Madhe.
Tash kryeministrja e Britanisë bashkë me Kurtin në takim biseduan për marrjen e veprimeve shtesë ndaj sulmeve ruse në Ukrainë.
Mbretëresha Elizabeth II emëroi të martën Liz Truss kryeministre të Britanisë.
Truss fitoi dje garën në Partinë Konservatore, duke siguruar postin e lideres së kësaj partie dhe të kryeministres së re të Britanisë së Madhe.
“Mbretëresha priti sot në audiencë të nderuarën Truss dhe i kërkoi asaj që të formonte administratën e re”, tha Pallati Buckingham në një deklaratë.
Sipas pallatit mbretëror, Truss pranoi ofertën e Mbretëreshës dhe “i puthi duart pas emërimit si kryeministre”.
Truss zëvendëson Boris Johnson, i cili u detyrua të largohej nga ky post pas tri viteve të trazuara në pushtet.
Johnson dhe Truss udhëtuan për në Skoci për t’u takuar me Mbretëreshën Elizabeth II, ku Johnson zyrtarisht dorëzoi dorëheqjen dhe Truss u ftua që ta formojë Qeverinë.
