Plotë 150 milionë euro i ka ndarë qeveria Kurti, për t’i mbështetur punëtorët e sektorit publik e privat, skemat sociale e pensionistët dhe studentët e vendit.
Në një konferencë për media, kryeministri i vendit Albin Kurtid dhe ministri Hekuran Murati, kanë njoftuar se duke filluar nga muaji shtator, punëtorët e sektorit publik do t’i kenë nga 50 euro shtesë në rrogat e tyre.
Përmes kësaj pakoje do të mbështeten po ashtu edhe pensionistët dhe skemat sociale, me nga 100 euro më tepër, duke marrë kështu dyfishin e pagës mujore.
Në pakon e re mbështetëse të shtetit, nuk mungojnë as studentët.
Duke filluar nga muaji nëntor, ata do t’i marrin edhe nga 100 euro nga shteti.
Ndërkaq, për punëtoret e sektorit privat, ministri Murati ka deklaruar se, qeveria do t’i subvencionojë gjysmën e rritjes së pagës së tyre.
Ai u ka bërë thirrje bizneseve private të vendit që t’i rrisin pagat e punëtorëve të tyre, ngase gjysmën e rritjes së pagës, do t’i subvencionoi shteti./KosovaNews/
