Ministri në detyrl i Punëve të Jashtme dhe Diasporës i Republikës së Kosovës, Glauk Konjufca, do të presë sot në një takim ministrin e deleguar për Evropën nga Republika e Francës, Benjamin Haddad.
Takimi do të zhvillohet duke filluar nga ora 09:00, në objektin e Ministrisë së Punëve të Jashtme dhe Diasporës në Prishtinë.
Pas takimit dypalësh, zëvendëskryeministri në detyrë, Glauk Konjufca dhe ministri Haddad, së bashku me ministrin në detyrë të Financave, Hekuran Murati, do të nënshkruajnë marrëveshje bashkëpunimi në fushën e drejtësisë, arsimit dhe organizimit të Lojërave Mesdhetare.
Gjithashtu vizita e ministrit Haddad pritet të shërbejë për thellimin e bashkëpunimit ndërmjet Kosovës dhe Francës, si dhe për diskutime mbi zhvillimet aktuale dhe proceset integruese evropiane.
