Punimet për ndërtimin e Shtëpisë së Kulturës në Kishnicë po zhvillohen sipas planifikimeve, njoftoi Ministria e Kulturës, Rinisë dhe Sportit.
Ministrja në detyrë e Kulturës, Saranda Bogujevci, vizitoi nga afër ecurinë e punimeve në këtë projekt, i cili synon të krijojë një hapësirë moderne dhe funksionale për zhvillimin e aktiviteteve kulturore, artistike, edukative dhe shoqërore.
Sipas Ministrisë, Shtëpia e Kulturës në Kishnicë do të shërbejë si një qendër e rëndësishme për jetën kulturore të komunitetit, duke ofruar më shumë mundësi për krijimtari, pjesëmarrje qytetare dhe zhvillim të aktiviteteve artistike e kulturore.
Ministria e Kulturës theksoi se investimet në infrastrukturën kulturore do të vazhdojnë edhe në të ardhmen, me synimin që komunitetet në të gjithë vendin të kenë hapësira dinjitoze për kulturën, artin dhe organizimin e jetës kulturore
