Një nga momentet më prekëse pas tërmeteve vdekjeprurëse që goditën Venezuelën ndodhi në Carabayeda, ku një djalë 11-vjeçar u nxor i gjallë nga rrënojat, tre ditë pas katastrofës.
Fëmija, i quajtur Moises, u gjet i bllokuar nën rrënoja dhe u shpëtua pas një operacioni të gjatë nga punonjësit e shpëtimit. Në një video të publikuar nga presidentja e përkohshme e Venezuelës, Delcy Rodriguez ekipet e shpëtimit mund të shihen duke e mbajtur 11-vjeçarin në barelë pas makthit që jetoi për më shumë se 70 orë.
“Pak minuta më parë, një djalë njëmbëdhjetëvjeçar u shpëtua në Carabayeda. Në këtë moment, çdo jetë është një burim shprese për Venezuelën”, tha Rodriguez në një postim në X, duke e shoqëruar mesazhin me një video të operacionit.
Në shpëtim përfshiheshin anëtarë të ekipit të specializuar USAR Colombia 1 , si dhe zjarrfikës nga Bogotá, Kolumbi, të cilët kanë udhëtuar për në Venezuelë për të ndihmuar në operacionet e kërkim-shpëtimit.
Kryetari i Bashkisë së Bogotës, Carlos Fernando Galán, foli për një “lajm të mirë në mes të tragjedisë”, duke zbuluar se disa zjarrfikës nga qyteti morën pjesë në operacionin për të liruar Moises.
“Kam besim se ekipi kolumbian do të vazhdojë të gjejë njerëz të gjallë në La Guaira, Venezuelë. Ata na bëjnë të gjithëve krenarë. Faleminderit”, shkroi ai në postimin e tij.
Operacionet e kërkim-shpëtimit vazhdojnë pa ndërprerje në zonat e prekura nga tërmetet vdekjeprurëse, me autoritetet që shprehin shpresën se, pavarësisht ditëve që kalojnë, është ende e mundur të gjenden të mbijetuar nën rrënoja.
Buenas noticias en medio de esta tragedia.
— Carlos F. Galán (@CarlosFGalan) June 27, 2026
Varios uniformados de @BomberosBogota participaron, junto al resto del equipo USAR Colombia 1, en el rescate de Moisés, un niño de 11 años que estaba atrapado entre los escombros y fue encontrado con vida.
Tengo fe en que el equipo… pic.twitter.com/kBTBp7nlov
