Karabinierët e caktuar në Njësinë e Specializuar Shumëkombëshe (MSU), pjesë e misionit të KFOR-it, zhvilluan një stërvitje me qitje reale në Poligonin Voloire për të përmirësuar aftësitë e qitjes, zotërimin e armëve dhe gatishmërinë individuale.
Në njoftimin e KFOR-it thuhet se aktivitetet e rregullta stërvitore ndihmojnë në ruajtjen e standardeve profesionale dhe efektivitetit operacional, duke siguruar që ushtarët të mbeten të përgatitur për të kryer detyrat e tyre në mbështetje të misionit të KFOR-it.
“Përmes aktiviteteve të tilla, personeli ruan një nivel të lartë gatishmërie dhe vetëdijeje situative, duke dëshmuar përkushtimin e vazhdueshëm të KFOR-it për të kontribuar në një mjedis të sigurt dhe të qëndrueshëm për të gjithë njerëzit që jetojnë në Kosovë”, thuhet në njoftim.
KFOR-i vazhdon të zbatojë mandatin e tij për të kontribuar në një mjedis të sigurt dhe të qëndrueshëm për të gjithë banorët e Kosovës, si dhe për të garantuar lirinë e lëvizjes, në çdo kohë dhe në mënyrë të paanshme.
