Sulmuesi i Interit dhe kombëtares së Argjentinës, Lautaro Martinez, ka vlerësuar maksimalisht yllin anglez Harry Kane, duke e cilësuar si sulmuesin më të kompletuar të viteve të fundit.
Në një intervistë të dhënë për “Gazzetta dello Sport”, kapiteni zikaltër u shpreh se e vendos Kane-n edhe përpara sulmuesit norvegjez Erling Haaland.
“Harry Kane është më i miri. Unë e rendis atë mbi Haaland, për mënyrën se si kontrollon topin, mënyrën si lidhet me shokët e ekipit dhe si ndihmon në ndërtimin e aksioneve. Ai godet mjaft mirë edhe me kokë. Është një fenomen”, deklaroi Martinez.
Sulmuesi anglez po kalon një formë të shkëlqyer me FC Bayern Munich, duke vazhduar të konfirmohet si një nga bomberët më të rrezikshëm në futbollin evropian.
Ndërkohë, krahasimet mes Kane dhe Haaland vazhdojnë të jenë temë e debatit në botën e futbollit.
