Kreu i NISMËS Socialdemokrate, Fatmir Limaj, ka deklaruar se vendi rrezikon të futet në një cikël të vazhdueshëm zgjedhjesh nëse partitë politike vazhdojnë me të njëjtën qasje dhe logjikë veprimi.
Në Debat Plus, Limaj tha se zgjedhjet e mundshme të ardhshme nuk do të sillnin ndryshim real politik, por sipas tij do të ishin vetëm një “rivotim”.
“Duhet me shku në zgjedhje, shkoni sa herë doni. Se s’mund e ndalim na kët proces, sikurse nuk e kemi ndal në dhjetor. Ka më të ardhë edhe në vjeshtë. Mos harro çka po të them. Prapë në vjeshtë do të ketë zgjedhje nëse shkojmë me të njëjtën logjikë të veprimit. Për mua nuk ka zgjedhje, ka rivotim. Nuk janë këto zgjedhje. Rivotim, çka ka ndodh për mes pas zgjedhje, një kauzë, në përmbajtje. Çka ka ndodh diçka që do ta mobilizojë masën, që do të thotë do të shkoj të votoj për arsye”, ka thënë Limaj.
