Drejtori i Përgjithshëm i Shërbimit Korrektues të Kosovës, Ismail Dibrani, ka pritur në takim ambasadorin e Mbretërisë së Belgjikës, Grégoire Cuvelier.
Shërbimi Korrektues ka njoftuar se gjatë takimit, Dibrani e njoftoi ambasadorin me të arriturat e Shërbimit Korrektues të Kosovës, duke theksuar avancimin e programeve rehabilituese, përmirësimin e kushteve në institucionet korrektuese si dhe përkushtimin për respektimin e standardeve ndërkombëtare.
Nga ana tjetër, ambasadori Cuvelier vlerësoi progresin e arritur dhe shprehu gatishmërinë për të thelluar bashkëpunimin ndërmjet Mbretërisë së Belgjikës dhe Shërbimit Korrektues të Kosovës, veçanërisht në fushat që lidhen me reformën dhe zhvillimin e kapaciteteve profesionale.
