Për herë të parë në dy dekada, palestinezët në Gazën e shkatërruar nga lufta po votojnë në zgjedhjet lokale të shtunën. Në Bregun Perëndimor të pushtuar nga Izraeli, votuesit po hedhin votën për herë të parë që nga fillimi i luftës Izrael-Hamas.
Pjesëmarrja mund të pasqyrojë nivelin e besimit publik në një sistem më të gjerë të udhëhequr nga udhëheqës të moshuar në Bregun Perëndimor teksa Gaza përgatitet për tranzicion.
Vota në Bregun Perëndimor do të përcaktojë përbërjen e këshillave lokale që mbikëqyrin ujin, rrugët dhe energjinë elektrike. Vota në një qytet të vetëm në Gazë, nga ana tjetër, është kryesisht simbolike.
Në disa qendra votimi në Bregun Perëndimor dhe Deir al-Balah të Gazës qendrore është parë interesim i madh i votuesve të shtunën në mëngjes, megjithëse shkalla e pjesëmarrjes mbetet e paqartë. Të drejtë vote kanë me shumë se 1 milionë qytetarë.
Votuesit që dolën thanë se e bënë këtë sepse donin të ushtronin të drejtën e tyre për të votuar dhe të ndikonin në gjendjen e qyteteve të tyre.
