Çmimet globale të naftës u rritën me 3% pasi lufta SHBA-Izrael me Iranin hyri në javën e saj të pestë. Çmimi i naftës së papërpunuar Brent në tregjet ndërkombëtare u shit me mbi 115 dollarë për fuçi.
Kjo vjen pasi rebelët Huthi të mbështetur nga Irani në Jemen iu bashkuan konfliktit duke sulmuar Izraelin gjatë fundjavës dhe Irani kërcënoi të zgjeronte sulmet hakmarrëse kundër universiteteve dhe shtëpive të zyrtarëve amerikanë dhe izraelitë.
Presidenti i SHBA-së, Donald Trump, tha në një intervistë se ai mund të “merrte naftën në Iran” dhe ndoshta të pushtonte qendrën e tij kryesore të karburantit, Ishullin Kharg ku kalon një sasi e konsiderueshme e naftës Iraniane
Trump e krahasoi këtë veprim të mundshëm me Venezuelën, ku SHBA-të planifikojnë të kontrollojnë industrinë e naftës “për një kohë të pacaktuar”. Tregjet globale të energjisë kanë qenë jashtëzakonisht të paqëndrueshme pasi Teherani u hakmor ndaj sulmeve të SHBA-së dhe Izraelit duke kërcënuar të sulmojë anijet që përpiqen të kalojnë Ngushticën e Hormuzit.
Lars Jensen, një ekspert i transportit detar dhe ish-drejtor në Maersk, paralajmëroi se, edhe nëse Ngushtica e Hormuzit “do të hapej magjikisht nesër”, do të kishte ende rritje të mëtejshme të çmimeve.
“Duhet të kemi parasysh se shumë nga nafta që u ngarkua në Gjirin Persik para kësaj krize vetëm tani po mbërrin në rafineri”, i tha ai BBC-së. ndikimi i luftës SHBA-Izrael mbi Iranin mund të jetë “shumë më i madh” sesa kriza e naftës e viteve 1970, e cila shkaktoi kaos ekonomik.
Ndërkohë të tjerë ekspert thonë se ndikimi i plotë i luftës ende nuk ka arritur të depërtojë tek konsumatorët përmes zinxhirit të furnizimit me karburant.
