E ngarkuara me punë në Ambasadën amerikane në Prishtinë, Anu Prattipati, ka biseduar me ministren e Ekonomisë të Kosovës, Artane Rizvanolli, për zgjerimin e mundësive mes dy shteteve në fushën e energjisë dhe minierave.
Ne njoftimin e Ambasadës Amerikane në Kosovë theksohet se ajo ka vënë në dukje angazhimin e SHBA-së për krijimin e mundësive për bizneset amerikane.
“E ngarkuara me punë Anu Prattipati u takua me ministren Artane Rizvanolli për të diskutuar zgjerimin e mundësive të bashkëpunimit mes SHBA-së dhe Kosovës në fushën e energjisë dhe minierave. Ajo theksoi angazhimin e Ambasadës për krijimin e mundësive për bizneset amerikane, veçanërisht ato që operojnë në sektorët e LNG-së dhe minierave. Ne presim me padurim vazhdimin e bashkëpunimit në fusha që promovojnë prosperitet të ndërsjellë”, thuhet në njoftim.
