Policia e Kosovës ka njoftuar se në orët e para të së enjtes, më saktësisht në ora 00: 05 ka marrë informatë se në një vilë në fshatin Jezerc të Ferizajt, disa persona po luajnë bixhoz të paligjshëm.
Njësitet reaguese të stacionit policor në Ferizaj, kanë dalë menjëherë dhe janë nisur në drejtim të këtij lokacioni, ku kanë hasur nëntë persona duke luajtur bixhoz.
Policia e Kosovës njofton se në vendin e ngjarjes ka gjetur 301 çipa që konvertohen në shumë të parave e dy palë letra të cilat janë konfiskuar.
Personat e dyshuar janë shoqëruar në stacion policor dhe më pas janë liruar në procedurë të rregullt. Ndaj të dyshuarit P. V. (51) është hapur rast për “organizim të skemave piramidale dhe bixhozit të paligjshëm”./KosovaNews/
Në foto keni gjërat që ka gjetur e konfiskuar Policia e Kosovës:
