Ministri i Arsimit dhe Shkencës, Hajrulla Çeku, ka uruar mësuesit me rastin e 7 Marsit, Ditës së Mësuesit.
Përmes një postimi në Facebook, Çeku ka theksuar se mësuesit dhe mësueset me përkushtim dhe dashuri formësojnë brezat e rinj, duke luajtur rol themelor në zhvillimin e shoqërisë përmes edukimit dhe kultivimit të vlerave qytetare.
Ai ka falënderuar mësimdhënësit për kontributin e tyre në arsimimin e fëmijëve dhe të rinjve, duke u uruar “Gëzuar 7 Marsin, Ditën e Mësuesit!”
.
“Në këtë ditë të veçantë, ju falënderojmë për misionin tuaj fisnik dhe për kontributin e pazëvendësueshëm në edukimin dhe arsimimin e fëmijëve dhe të rinjve tanë. Gëzuar 7 Marsin, Ditën e Mësuesit!”, ka shkruar Çeku.
