Shërbimi i Kërkim-Shpëtimit Malor i Kosovës (SHKSHMK), në bashkëpunim me Shërbimin e Shpëtimit Malor të Malit të Zi dhe autoritetet kompetente të Malit të Zi, ka nisur një operacion kërkim-shpëtimi në majën e Hajlës, përgjatë kreshtës kufitare ndërmjet Republikës së Kosovës dhe Malit të Zi.
Sipas informatave të para, një bjeshkatar me inicialet C.F. dyshohet se ka rrëshqitur nga kreshta dhe ka humbur kontaktin me pjesëtarët e tjerë të grupit.
Kushtet atmosferike të pafavorshme, me reshje bore dhe dukshmëri të kufizuar, po e vështirësojnë operacionin, ndërsa ekipet e kërkim-shpëtimit janë të angazhuara në mënyrë të koordinuar për të lokalizuar personin e humbur dhe për të ofruar ndihmën e nevojshme.
Operacioni po zhvillohet në kushte të vështira, ndërsa ekipet e shpëtimit nga të dy shtetet po bashkëpunojnë ngushtësisht për të siguruar që të gjithë anëtarët e grupit të jenë në siguri. SHKSHMK ka njoftuar se do të vazhdojë të informojë publikun për zhvillimet e mëtejshme në lidhje me këtë operacion.
NJoftimi i Plotë:
NJOFTIM ZYRTAR
Që nga orët e vona të mbrëmjes së kaluar, Shërbimi i Kërkim-Shpëtimit Malor i Kosovës (SHKSHMK), në bashkëpunim me Shërbimin e Shpëtimit Malor të Malit të Zi dhe autoritetet kompetente të Malit të Zi, është duke zhvilluar një operacion kërkim-shpëtimi në majën e Hajlës, përgjatë kreshtës kufitare ndërmjet Republikës së Kosovës dhe Malit të Zi.
Sipas informatave fillestare nga terreni, një bjeshkatar me inicialet C.F dyshohet se ka rrëshqitur nga kreshta, duke humbur kontaktin me pjesëtarët e tjerë të grupit.
Kushtet e pafavorshme atmosferike, të shoqëruara me reshje bore dhe dukshmëri të kufizuar, janë duke e vështirësuar realizimin e operacionit.
Ekipet e kërkim-shpëtimit nga të dyja shtetet janë të angazhuara në mënyrë të koordinuar në operacionin ndërkufitar, me qëllim lokalizimin dhe ofrimin e ndihmës ndaj personit të raportuar.SHKSHMK do të vazhdojë të informojë publikun në vijimësi për zhvillimet e mëtejme.
