Një fjalosje në mes një zyrtari policor dhe një qytetari dëgjohet në një video e cila është publikuar mbrëmë në Kosovë.
Deri tek kjo fjalosje sipas asaj që dëgjohet në videon, ka ardhur si pasojë që qytetari dyshohet se ka shkelur me skuterin e tij një zyrtar policor.
“Zani mos të nihet”, dëgjohet polici teksa i bërtet qytetarit.
”Çka të kam bo o vlla”, dëgjohet të thotë i dyshuari, ndërsa zyrtari policor i përgjigjet tutje: ”A e shkele policin majmun?”.
I dyshuari: ”Pse me dol ai në udhe? – m’keni rreh, më keni sha me nanë”.
Më pas polici i thotë “krejt kemi me të mbyt”. Nuk dihet saktësisht se kur ka ndodhur ky rast, dhe as në cilin qytet.
Lidhur me këtë rastzyrtarë nga Inspektorati Policor i Kosovës pohuan se ka filluar hetimi ndaj policit që u fjalos mbrëmë me motoçiklistin në Prishtinë.
Zëdhënësi i IPK-së, Arben Beka ka thënë se hetimi ka filluar pas publikimit të videove në rrjete sociale.
“IPK-ja ka filluar hetim paraprak sipas detyrës zyrtare, pas publikimit të pamjeve në medie”, ka thënë Beka.
Ndërkaq paraprakisht është dërguar në mbajtje motoçiklisti që mbrëmë dyshohet se është aksidentuar me veturën e policisë.
“Rr. Fahri Fazliu, Prishtinë 21.08.2022, 22:29. Është arrestuar i dyshuari mashkull kosovar pasi që i njëjti derisa ishte duke drejtuar një motoçikletë nuk i ishte ndalur zyrtarëve policorë dhe i njëjti me motoçikletë gjatë ikjes është aksidentuar. Pas intervistimit me vendim të prokurorit i dyshuari është dërguar në mbajtje”, thuhet në njoftimin e Policisë së Kosovës.
