Ish-kryetari i Prizrenit, dhe kandidati i Lëvizjes Vetëvendosje për deputet, Mytaher Haskuka, ka përkujtuar 27-vjetorin e Masakrës së Reçakut, duke nderuar martirët dhe dëshmorët e rënë më 15 janar 1999.
Në një reagim publik, Haskuka theksoi se, pavarësisht kalimit të viteve, shumë pak kriminelë serbë janë gjykuar për krimet e luftës, ndërsa Serbia vazhdon të mos e pranojë përgjegjësinë për masakrat e kryera në Kosovë.
Ai tha se kujtimi i përhershëm i viktimave dhe angazhimi i vazhdueshëm për drejtësi mbeten detyrim moral dhe kombëtar.
“Lavdi martirëve dhe dëshmorëve të kombit”, përfundoi Haskuka.
