Një vogëlush 7- vjeçar nga Gjakova e ka humbur jetën pasi ka rënë në kontakt me rrymën.
Lajmin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj, i cili tha se fëmija ka qenë duke u trajtuar në spital.
“Me datën 21.02.2022 rreth orës 19:20 nga Spitali Rajonal në Gjakovë është pranuar informacion se viktima, mashkull i lindur në vitin 2015, i cili ishte duke u trajtuar në spital si pasojë e kontaktit me energji elektrike, kishte ndërruar jetë”, thuhet në konfirmimin e Elezajt.
Ai sqaroi se njësitet relevante të Policisë së Kosovës janë duke e trajtuar rastin si dhe është njoftuar Prokurori i Shtetit me vendimin e të cilit është iniciuar rast “Hetim i vdekjes”.
Tutje Elezaj bëri të ditur se trupi i pa jetë i viktimës është dërguar për obduksion në Institutin e Mjekësisë Ligjore.
