Ministria e Kulturës, Rinisë dhe Sportit (MKRS) ka njoftuar sot se afati për aplikim për vërtetimet e sponsorizimeve në fushën e sportit është zgjatur deri më 12 dhjetor 2025, në orën 16:00.
Vendimi është marrë nga ministri në detyrë, Hajrulla Çeku, pas rritjes së ndjeshme të kërkesave nga klubet, federatat dhe organizatat sportive, shkruan IndeksOnline.
Sipas MKRS-së, shumë prej organizatave sportive nuk kanë arritur të përmbyllnin aplikimet brenda afatit të mëparshëm për shkak të nevojave të mëdha për mbështetje financiare dhe kohës së nevojshme për kompletimin e dokumentacionit të kërkuar.
Me këtë shtyrje, ministria synon të sigurojë qashtë të barabartë, transparente dhe gjithëpërfshirëse për të gjithë aplikuesit, duke përmbushur njëkohësisht objektivat strategjike për mbështetjen e sportit në vend dhe krijimin e kushteve më të favorshme për organizatat që përfitojnë nga sponsorizimet
MKRS-ja ka bërë të ditur se vendimi i plotë mund të gjendet në adresën zyrtare të ministrisë
