Në komunën e Zubin Potokut është raportuar për një incident ku një mashkull dhe një femër dyshohen se kanë vendosur një kamion në rrugë, duke penguar qarkullimin normal të automjeteve.

Sipas Policisë së Kosovës, të dy personat e dyshuar janë shoqëruar për intervistim.

Pas marrjes së deklaratave dhe procedurave përkatëse, me vendim të prokurorit ata janë liruar në procedurë të rregullt.

Hetimet lidhur me rastin vazhdojnë.