Një aksident i rëndë trafiku ka ndodhur sot, rreth orës 18:30, në autostradën “Ibrahim Rugova”, në aksin rrugorë Prizren-Prishtinë.
Lajmin e ka konfirmuar zëdhënësi i Policisë së Kosovës, Daut Hoxha.
“Sot, më 23.11.2025, rreth orës 18:30, në Autostradën Ibrahim Rugova, Km 26, në drejtim Prizren–Prishtinë, ka ndodhur një aksident trafiku (vetaksident) me lëndime. Vetura e përfshirë në aksident ka targa vendore”, ka thënë Hoxha.
Bëhet e ditur se personi i lënduar është duke u trajtuar në QKMF Prizren, dhe sipas mjekut kujdestar, ai nuk ka pësuar lëndime të rënda.
