Në një kohë kur konflikti në Ukrainë vijon me intensitet të lartë, zhvillimet e fundit tregojnë për tensione të forta ushtarake dhe diplomatikë ndërkombëtarë. Presidenti ukrainas Volodymyr Zelensky ka theksuar rolin vendimtar të raketave me rreze të gjatë veprimi “Tomahawk” në drejtim të paqes, ndërsa qyteti i Kievit pësoi sulme të reja që shkaktuan viktima dhe dëme të mëdha.
Presidenti ukrainas Volodymyr Zelensky ka theksuar rëndësinë strategjike të raketave me rreze të gjatë veprimi “Tomahawk” në përpjekjet për arritjen e paqes në Ukrainë. Ai lidh mungesën e negociatave të drejtpërdrejta me Moskën me ngurrimin e Shteteve të Bashkuara për të furnizuar Ukrainën me këto armë të avancuara në këtë fazë të konfliktit.
“Diskutimi rreth Tomahawks ka shërbyer si një instrument i rëndësishëm diplomatik, duke detyruar Rusinë të zbulojë se këto raketa janë karta që ajo shqyrton seriozisht. Ne do të vazhdojmë dialogun me partnerët evropianë dhe amerikanë për sigurimin e raketave me rreze të gjatë veprimi. Prioritet mbetet mbrojtja ajrore. Ky sinjal tregon se furnizimi me këto raketa mund të jetë çelësi i pazëvendësueshëm për paqen. Sa më shumë raketa të ketë Ukraina, aq më e madhe është gatishmëria e Rusisë për të dhënë fund luftës,” deklaroi Zelensky.
Një sulm i fuqishëm i ushtrisë ruse goditi kryeqytetin ukrainas Kiev, duke shkaktuar dy viktima dhe pesë të plagosur, përfshirë një fëmijë dyvjeçar. Lajmin e bëri të ditur kryebashkiaku Vitali Klitschko përmes një postimi në Telegram.
Sulmet u regjistruan në katër lagje të ndryshme të qytetit, ku disa ndërtesa banimi pësuan dëmtime të konsiderueshme. Në një sulm masiv me dron, forcat ukrainase goditën një kompani lokale në rajonin rus të Mordovisë, njoftoi guvernatori Artyom Zdunov në Telegram.
Sipas tij, shërbimet e emergjencës janë në vendngjarje dhe po ndërhyjnë për të menaxhuar situatën.
Dy persona humbën jetën në lagjen Dnipro të Kievit si pasojë e një sulmi me dron që shkaktoi një zjarr në katet e 8-të dhe 9-të të një rrokaqielli, njoftoi kreu i administratës ushtarake të Kievit, Timur Tkachenko.
Zjarri u lokalizua nga shërbimet e emergjencës, të cilat shpëtuan dhjetë persona. Një zjarr tjetër u raportua në lagjen Darnica, ku u ndërhy për të ndaluar përhapjen e flakëve.
Ndërsa, presidenti amerikan Donald Trump deklaroi se nuk dëshiron të zhvillojë një “takim të kotë” me homologun rus Vladimir Putin, pas shtyrjes së bisedimeve të planifikuara për armëpushimin në Ukrainë.
Trump akuzoi Moskën për refuzimin e një marrëveshjeje për armëpushim përgjatë vijës aktuale të frontit, që sipas tij është pengesa kryesore për organizimin e samitit mes dy liderëve.
