Kandidatja e Lëvizjes Vetëvendosje për Asamblenë Komunale të Prizrenit, Mimoza Bushrani, ka shprehur mirënjohje për mbështetjen që, siç thotë ajo, e ka marrë nga qytetarët gjatë tetë viteve të angazhimit të saj publik.
Në një postim në rrjete sociale, Bushrani thekson se do të vazhdojë me të njëjtin përkushtim për Prizrenin, duke kërkuar mbështetje për kandidatin e VV-së për kryetar të komunës, Artan Abrashin.
“Mirënjohje pa fund për ju, që për 8 vite me radhë më keni dhënë besim, mbështetje dhe forcë për të punuar me përkushtim për Prizrenin tonë. Sot, me të njëjtin përkushtim dhe me besimin tuaj që shpresoj ta kem merituar, vazhdojmë bashkë për Prizrenin, me Artan Abrashin kryetar”, ka shkruar ajo.
Bushrani u ka bërë thirrje qytetarëve që më 12 tetor ta mbështesin në zgjedhje, duke theksuar se ajo garon me numrin 4 në listën e Vetëvendosjes “për një Prizren të drejtë, të ndershëm dhe me zhvillim për të gjithë.”
