Gjykata Themelore në Prizren ka shpallur sot aktgjykimin ndaj Dibran Hoxhajt, të njohur si “Kobra”, duke e dënuar atë me 24 vjet burgim për vrasjen e ndodhur më 3 janar 2023 në afërsi të lokalit “Kobra City” në Prizren.
Sipas vendimit të trupit gjykues, Hoxhaj u shpall fajtor për veprën penale të vrasjes me dashje, ndërsa gjatë shpalljes së vendimit ai nuk ishte i pranishëm në sallën e gjyqit.
Në të njëjtin rast, të akuzuar ishin edhe Roland Susuri, Arben Vezaj, Burim Mazreku dhe Jesmir Badalli, përfshirë në procedurë lidhur me rrethanat e ngjarjes tragjike që ndodhi në orët e para të mëngjesit, në magjistralen Prizren–Zhur.
Sipas aktakuzës së ngritur nga Prokuroria, mëngjesin e 3 janarit 2023, Dibran Hoxhaj me dashje privoi nga jeta V.C., duke vënë në rrezik edhe jetën e R.T. (SH) dhe A.B..
Vendimi mund të apelohet në Gjykatën e Apelit.
