Një i mitur të mërkurën është shoqëruar në Policinë e Kosovës pasi që është hasur duke mbajtur një bluzë me mbishkrimin “Xhandarmëria dhe simbolet serbe” në veri.
Lajmi është konfirmuar nga shefi i planifikimit në kuadër të operativit, Erduan Baliqi, i cili tha se mituri është shoqëruar në stacionin policor dhe ndaj tij është shqiptuar një gjobë.
“Të mërkurën patrulla policore kanë ndaluar një të mitur pasi në pjesën e pasme të bluzës kishte të shënuar ‘Xhandarmëria dhe simbolet serbe’, ku i njëjti është shoqëruar në stacionin policor dhe ndaj tij është shqiptuar një tiketë për prishje të rendit dhe qetësisë publike”, ka thënë Baliqi.
Ai ka njoftuar se pas shqiptimit të gjobës, i mituri është liruar.
