Në Gjykatën Speciale në Hagë, po dëshmon ish-zëvendësi i Bernard Kuchner, Jock Colvin.
Ai është pyetur për bisedimet që janë realizuar mes KFOR-it, UNMIK-ut dhe OSBE-së, për çka ka thënë se gjenerali Jackson ka qenë kryesuesi.
Në lidhje me rolin e Thaçit në këto bisedime, ai ka thënë se Thaçi kishte kërkuar takim të ndarë me gjeneralin Jackson por jo aty ku ishte seanca plenare, për çka tha se nuk është në dijeni të këtyre takimeve.
Ai ka thënë se rezultati i këtyre bisedimeve ishte që të krijohej një entitet nën autoritetin e UNMIK-ut, por që ka thënë se kjo punë bëhej tërësisht nga KFOR-i.
Prokurorja citoi një libër të gjeneralit Jackson ku flitej për reagimin e Thaçit në këto bisedime.
“Kur erdhi ora 11, bisedimet u bënë shumë të tendosura deri tani kishim shërbyer ide por tani kishte ardhur koha për të marrë një vendim. Çeku po kalonte një moment shumë të vështirë, në mendjen e tij kishte që duhej të luanim me këtë lojë për të ardhmen afatgjatë për Kosovën por zemra e tij kishte një drejtim tjetër dhe unë i thoja atij që mos ti lë emocionet ta kaplojnë. duhet ta respektojmë rezolutën 1244, bota po na sheh, po presin, duke përsëritur këto pika vazhdueshëm. Këtu përmend se ditën 89, Thaçi u bë i keq. Askush nuk luan me UÇK-në, nuk bën loja me të. Nëse mendoni se na jepni urdhra, e keni gabim dhe do të pendoheni për këtë. Të nesërmen, 19 shtator ai tha se shtypi po spekulonte se bisedimet ishin prishur, në mbrëmje Thaçi dërgoi një mesazh që unë doja të shkoja në qytet dhe të takohesha me të. Reagimi im ishte hiqe qafe atë, nuk na intereson. Pastaj, në fund Thaçi u mor vesh që ishte në Grand Hotel dhe po hante aty, u përpoq të bënte të njëjtën lojë dhe mori të njëjtën përgjigje.”, thuhej aty.
Në atë libër, Jackson shkruante se në orën 6 të mëngjesit kishte dhënë një konferencë për shtyp ku kishte kujtuar UÇK-së se marrëveshja i kishte skaduar dhe se zyrtarisht nuk ekzistonte më si organizatë.
Prokurorja pyeti Colvin nëse pajtohet se Thaçi i kishte bërë bisedimet që të ngecin, për çka tha se nuk e kishte lexuar këtë libër dhe se tha që ishin shumë forca që merrnin pjesë në këtë, dhe një prej tyre edhe Thaçi.
