Një i ri i moshës rreth 17-vjeçare ka vdekur pasi është vetaksidentuar sot me motoçikletë në rrugën Prishtinë-Pejë, konkretisht në fshatin Qyshk.
Lajmin e konfirmoi zëdhënësi i Policisë së Kosovës për rajonin e Pejës, Fadil Gashi.
Ai bëri të ditur se bashkë me viktimën në motoçikletë ka qenë edhe një pasagjer i moshës rreth 19-vjeçare, i cili është dërguar në Spitalin Rajonal të Pejës, për shkak të lëndimeve të marra.
