Komandanti i Forcës së Sigurisë së Kosovës (FSK), Gjenerallejtënant Bashkim Jashari, ka pritur sot në takim presidentin e Federatës së Futbollit të Kosovës (FFK), Agim Ademi.
Në fillim të takimit, Jashari e uroi mirëseardhje Ademin dhe e falënderoi për bashkëpunimin e deritanishëm ndërmjet FSK-së dhe FFK-së, i bazuar në memorandumin e nënshkruar mes dy institucioneve. Ai vlerësoi lartë performancën e treguar gjatë aktiviteteve sportive të përbashkëta.
Të dy palët biseduan edhe për rëndësinë që kanë aktivitetet sportive brenda Forcës, duke u cilësuar si një prej shtyllave kryesore të përgatitjes fizike dhe morale të pjesëtarëve të saj.
Në takim u theksua nevoja për thellimin e bashkëpunimit dhe mbështetjen reciproke në gara të ndryshme sportive, në dobi të përbashkët të FSK-së dhe FFK-së.
Në përfundim, Jashari dhe Ademi u pajtuan që ky bashkëpunim të vazhdojë edhe në të ardhmen.
