Forcat ajrore gjermane të dielën në mëngjes dërguan dy “Eurofighter” për të ndjekur një avion ushtarak rus IL-20m që kishte hyrë në hapësirën ajrore neutrale mbi Detin Baltik, tha ajo, përpara se t’ia dorëzonte eskortën partnerëve të NATO-s në Suedi.
Edhe një herë, forca jonë e alarmit të reagimit të shpejtë, e përbërë nga dy ‘Eurofighter’, u ngarkua nga NATO me detyrën për të hetuar një avion të paidentifikuar pa plan fluturimi ose kontakt radio në hapësirën ajrore ndërkombëtare”, thanë forcat ajrore gjermane në një deklaratë.
“Ishte një avion rus zbulues IL-20M. Pas identifikimit vizual, ne ia dorëzuam detyrat e shoqërimit të avionit partnerëve tanë suedezë të NATO-s dhe u kthyem në Rostock-Laage.”
Këshilli i Atlantikut të Veriut i NATO-s do të mblidhet të martën për të diskutuar shkeljen e hapësirës ajrore estoneze nga Rusia, thanë të dielën dy zyrtarë të njohur me çështjen për Reuters.
Talini tha se tre avionë luftarakë rusë MiG-31 kishin hyrë në hapësirën ajrore estoneze pa leje të premten dhe qëndruan për gjithsej 12 minuta para se të detyroheshin të tërhiqeshin, shkruan Reuters.
