Kombëtarja e Kosovës në Futbollin e të Amputuarve do të zhvillojë një ndeshje miqësore kundër Kombëtares së Shqipërisë, në kuadër të përgatitjeve për garat në UEFA Nations League.
Përballja do të luhet të dielën, më 21 shtator 2025, në Kampin Nacional të FFK-së në Hajvali, me fillim nga ora 16:00.
Federata e Futbollit e Kosovës ka ftuar të gjithë tifozët, qytetarët dhe përfaqësuesit e mediave që të jenë të pranishëm për ta përkrahur ekipin dhe për të përjetuar emocionet që sjell kjo sfidë mes dy shteteve e një kombi.
Ky takim pritet të sjellë atmosferë të veçantë sportive dhe të tregojë edhe një herë forcën e bashkimit përmes futbollit.
