Me rastin e 24-vjetorit të sulmeve terroriste të 11 Shtatorit 2001, kryetari i Aleancës për Ardhmërinë e Kosovës, Ramush Haradinaj, ka bërë homazhe bashkë me kolegë te pllaka përkujtimore kushtuar viktimave të asaj dite.
“11 Shtatori 2001 ndryshoi përgjithmonë historinë moderne. Një sulm barbar kundër Shteteve të Bashkuara tronditi botën, por nuk e theu shpirtin amerikan, shpirt që mishëron qëndresën, lirinë, demokracinë dhe fitoren”, ka deklaruar Haradinaj.
Ai ka theksuar se, për popullin e Kosovës, miqësia me Amerikën është e shenjtë dhe se në këtë përvjetor, ashtu si çdo ditë, Kosova qëndron krah për krah me miqtë amerikanë dhe botën demokratike, duke nderuar me respekt të thellë ata që humbën jetën në sulmet e 11 Shtatorit
