Komisioni Qendror i Zgjedhjeve (KQZ) ka bërë tërheqjen e shortit për renditjen e subjekteve politike të certifikuara në fletëvotime për zgjedhjet lokale që do të mbahen më 12 tetor, shkruan KosovaNews.
Siaps kësaj,
Lëvizja Vetëvendosje në zgjedhjet lokale do ta ketë numrin 105.
Lidhja Demokratike e Kosovës do të garojë në këto zgjedhje me numrin 113.
Partia Demokratike e Kosovës në fletëvotime do ta ketë numrin 191.
Aleanca për Ardhmërinë e Kosovës, numrin 174.
Lista Serbe në fletëvotim do ta ketë numrin 170.
Nisma Socialdemokrate do ta ketë numrin 186.
Partia Guxo do të garojë në këto zgjedhje me numrin 118.
Alternativa në fletëvotim do ta ketë numrin 103.
Partia Socialdemokrate do ta ketë numrin 149.
Subjekti Për Drenasin Kampion me Ramiz Lladrovcin do të ketë numrin 101.
Kryetari i KQZ-së, Kreshnik Radoniqi tha se procesi për zgjedhjet lokale ka hyrë pothuajse në fazën përfundimtare. Ai tha se zgjedhjet janë themeli i demokracisë.
“Zgjedhjet janë themeli i një demokracie pasi përmes tyre qytetarët shprehin vullnetin politik duke zgjedhur përfaqësuesit në nivel in qendror dhe lokal. Në këtë drejtim, KQZ ka detyrë të rëndësisë së veçantë, të sigurojë proceset zgjedhore në Kosovë të jenë të lira, të drejta, transparente, të mbështetura në Kushtetutë, Ligjin për Zgjedhjet dhe të mbështetura në standardet më të mira ndërkombëtare”, tha ai para të pranishmëve në këtë ngjarje.
Si drejtues i KQZ-së u ka bërë thirrje të gjitha subjekteve politike e kandidatëve që të angazhohen për një proces zgjedhor duke respektuar ligjet e rregullat zgjedhore në fuqi.
“Zgjedhjet nuk janë vetëm një garë për pushtet, por edhe një proces i rëndësishëm për demokracinë. Vlerësoj që secili prej nesh ka përgjegjësi për mbarëvajtjen e këtij procesi”, deklaroi Radoniqi.
Për zgjedhjet lokale të 12 tetorit janë të certifikuara 93 subjekte politike, prej të cilave 32 parti politike, 2 koalicione, 32 iniciativa qytetare dhe 27 kandidatë të pavarur.
Ndryshe për zgjedhjet lokale të 12 tetorit janë të certifikuara 93 subjekte politike, prej të cilave 32 parti politike, 2 koalicione, 32 iniciativa qytetare dhe 27 kandidatë të pavarur./KosovaNews/
