Deputeti i Aleancës për Ardhmërinë e Kosovës, Bekë Berisha pas votimit të Dimal Bashës tha se e ka votuar pasi që nuk ka pasur asnjë detyrë qeveritare.
“Nuk ka pasur asnjë detyrë qeveritare, mos harroni që kemi thënë që edhe kanë qenë më pak njerëzor dhe munden me kriju njëfarë lloj që dinë me vet e me të thanë mirëdita. Për këta të tjerët nuk mundem me fol vetëm për veti”, tha Berisha.
Basha është votuar sot edhe nga deputeti i LDK-së, Arben Gashi.
Lexo po ashtu:
Gashi tha se Basha ia kishte kërkuar votën muaj më parë dhe ai kishte premtuar mbështetje, pavarësisht se nuk kishte pritur që propozimi të ndodhte në seancën e sotme.
Megjithatë, përkundër disa votave nga opozita, kandidatura e Bashës nuk arriti të sigurojë shumicën e nevojshme në Kuvend.
