Aeroplanë luftarakë nga vendet e NATO-s, përfshirë Poloninë dhe Suedinë, u ngritën në ajër pasi Rusia nisi sulme me raketa me rreze të gjatë veprimi në Ukrainë gjatë natës.
“Natën e 18-19 gushtit 2025, aviacioni me rreze të gjatë veprimi i Federatës Ruse nisi përsëri sulme me raketa në territorin ukrainas”, tha ushtria polake në një deklaratë të postuar në mediat sociale të hënën.
“Për të siguruar sigurinë e hapësirës ajrore polake, Komanda Operacionale e Forcave të Armatosura polake ka aktivizuar të gjitha procedurat e nevojshme. Aeroplanët polakë dhe aleatë kanë filluar operacionet, dhe sistemet e mbrojtjes ajrore tokësore dhe të zbulimit me radar kanë arritur gjendjen më të lartë të gatishmërisë”, u tha ndër tjera.
Shtoi se aeroplanët luftarakë Gripen që i përkasin forcës ajrore të Suedisë, disa prej të cilëve janë të stacionuar në Poloni, “ndihmuan në sigurimin e sigurisë në qiellin polak sonte”.
Forca Ajrore e Ukrainës tha se Rusia lansoi nisi një sulm gjatë natës, duke përfshirë atë me 270 dronë të stilit Shahed, pesë raketa balistike Iskander-M dhe pesë raketa KH-101.
E presidenti amerikan Donald Trump zhvilloi takime të hënën me presidentin ukrainas Volodymyr Zelensky dhe udhëheqës të tjerë evropianë në Uashington, në lidhje me negociatat e paqes në luftën Rusi-Ukrainë.
Absolutely huge explosion and boom with simultaneous AA in Kremenchuk, Ukraine.
— THE™ Jessi Davin (@jessithebuckeye) August 18, 2025
Biggest explosion I’ve seen in the Ukraine cameras in a while. pic.twitter.com/0TkpjkOEiR
Morning in Kremenchuk pic.twitter.com/kM5vohWBi8
— VolgaLad (@cym27s) August 19, 2025
