Presidenti i SHBA-së, Donald Trump, ka pohuar se mënyra më e shpejtë për t’i dhënë fund krizës në Gaza është që Hamasi të dorëzohet dhe të lirojë pengjet.
Kështu ka shkruar ai në rrjetin social Truth.
“Mënyra më e shpejtë për t’i dhënë fund krizës humanitare në Gaza është që Hamasi të dorëzohet dhe të lirojë pengjet.”.
Ndryshe, sot senati amerikan bllokoi dy rezoluta që do të kishin ndaluar shitjet e armëve në Izrael, megjithëse ato morën më shumë mbështetje sesa masa të ngjashme në fillim të këtij viti.
Dy rezolutat u prezantuan nga senatori Bernie Sanders, një i pavarur nga Vermonti i lidhur me demokratët.
Ato dështuan me 73 kundër 24 dhe 70 kundër 27 në dhomën me 100 anëtarë.
