Ministrja e Arsimit, Arbërie Nagavci ka vizituar Shkollën ndërkombëtare verore që është duke u organizuar nga Universiteti i Prizrenit, për nisma të tilla që kontribuojnë në ndërkombëtarizimin e arsimit të lartë të Kosovës ka thanë se ministria do të ofrojë mbështetje.
Postimi i plotë i ministres Nagavci:
Kisha kënaqësinë të marrë pjesë në organizimin e edicionit të parë të Shkollës Ndërkombëtare Verore të Universitetit të Prizrenit.
Kjo Shkollë është një ngjarje e cila pasuron ofertën verore në qytetin historik të Prizrenit dhe afirmon Universitetin, qytetin dhe vendin tonë.
Shkollat verore të kësaj natyre ofrojnë mundësi ndërveprimi në mes të studentëve dhe personelit akademik që vijnë nga mjedise të ndryshme, duke krijuar lidhje miqësie dhe bashkëpunimi.
Ministria e Arsimit do të jetë gjithnjë në mbështetje të nismave që kontribuojnë në ndërkombëtarizimin e arsimit të lartë në Kosovë.
Arsimi i lartë sot është aset global dhe i tejkalon kufijtë e qytetit, regjionit dhe vendit ku ofrohet.
Përgëzoj stafin akademik dhe studentët e Universitetit të Prizrenit për pjesëmarrje në këtë Shkollë Verore dhe shpresoj që ky lloj organizimi të vazhdojë edhe në vitet në vijim.
Suksese të gjithëve!
