Forca e NATO-s në Kosovë, KFOR ka njoftuar se po vazhdon të ndihmojë Agjencinë për Menaxhimin e Emergjencave në luftimin e zjarreve që kanë përfshirë disa rajone të vendit.
Aktualisht, janë aktive 41 vatra zjarri.
Në njoftim, KFOR-i ka bërë të ditur se dy helikopterë të tipit UH-60 Black Hawk, të pajisur me pajisje për shuarjen e zjarrit (Bambi Buckets), kanë kryer ndërhyrje ajrore në zonat e përfshira nga flakët.
” Dy ekipe UH-60 Black Hawk nga KFOR-i, të pajisura me kova Bambi, kryen hedhje të shumta uji nga ajri mbi rajonet e prekura nga zjarret, duke punuar për të kontrolluar flakët që kërcënonin popullsinë civile dhe infrastrukturën lokale. Gjatë një periudhe dy-orëshe, ekipet përfunduan 18 hedhje uji, duke sjellë më shumë se 43,500 litra ujë në zonën e prekur”, thuhet në njoftim.
Këto ndërhyrje janë bërë për të ndihmuar në vënien nën kontroll të flakëve që përbëjnë rrezik për popullsinë dhe infrastrukturën lokale.
