Njësitë policore janë mobilizuar dje rreth orës 18:41 pas marrjes së një informate për një mjet të dyshuar shpërthyes në një lokal në fshatin Dollc të Klinës.
Menjëherë pas marrjes së njoftimit, policia ka ndërmarrë veprimet e nevojshme duke evakuuar personat nga objekti dhe duke siguruar vendin e ngjarjes.
Në vendin e ngjarjes kanë dalë edhe njësitet specializuara EOD dhe njësia e qenve nuhatës K-9, të cilat pas kontrollit të detajuar nuk kanë gjetur asgjë të dyshuar.
Për rastin është njoftuar prokurori kompetent, ndërsa hetimet janë duke u vazhduar për të sqaruar rrethanat dhe për të identifikuar burimin e informimit të rremë./Telegrafi/
Policia ka bërë të ditur se rasti është cilësuar si lajmërim apo kallëzim i rremë dhe se njësitë përkatëse janë duke punuar për zbardhjen e plotë të tij.
