Deputetja e Aleancës për Ardhmërinë e Kosovës, Time Kadrijaj, është përballur me reagime të ashpra nga deputetet e Lëvizjes Vetëvendosje pas një deklarate të bërë në përpjekjen e sotme për Konstituimin e Kuvendit, shkuan KosovaNews.
Kadrijaj u dëgjua duke iu drejtuar një kolegeje me fjalët: “Merre terapinë…”, gjë që ka nxitur reagime të menjëhershme, përfshirë atë të deputetes Saranda Bogujevci, e cila iu kthye me fjalët: “Marre duhet me t’ardhë!”
Ndërkohë, deputetja tjetër e LVV-së, Fatmire Mulhaxha Kollçaku, ka reaguar përmes një postimi në Facebook, duke e cilësuar deklaratën si të papranueshme dhe shqetësuese, sidomos kur vjen nga një kolege që është njëkohësisht edhe mjeke.
“Më vjen jashtëzakonisht keq që një deputete dhe mjeke iu drejtua sot koleges së saj nga foltorja e Kuvendit me fjalët: ‘A e ke marrë terapinë?’ Edhe nëse do të kishte ndonjë informacion rreth përdorimit të një terapie, si mjeke, ajo do të duhej ta ruante konfidencialitetin profesional, sipas Betimit të Hipokratit”, ka shkruar Kollçaku.
Ajo thekson se një deklaratë e tillë nuk ka vend në një institucion si Kuvendi, dhe se e forcon gjuhën mizogjene që, sipas saj, është gjithnjë e më e pranishme në diskursin publik ndaj grave në politikë.
