Drejtoria për Siguri dhe Emergjenca në Prishtinë përmes një njoftimi publik thotë se sipas parashikimeve meteorologjike, muaji korrik pritet të shënojë temperatura shumë të larta, që mund të kalojnë 37°C.
Prandaj, kjo drejtori ka dhënë disa këshilla për qytetarë, në mënyrë që të mbrohet shëndeti, transmeton Telegrafi.
-Shmangni daljet e panevojshme gjatë orëve të pikut (nga ora 11:00 deri në 17:00);
-Qëndroni në ambiente të freskëta dhe të ajrosura;
-Konsumoni sa më shumë lëngje dhe shmangni pijet alkoolike apo të gazuara;
-Veshuni lehtë dhe përdorni pajisje mbrojtëse nga dielli (kapelë, syze, krem mbrojtës);
-Kujdesuni në veçanti për të moshuarit, fëmijët dhe personat me probleme shëndetësore.
– Në raste emergjente shëndetësore, telefononi 194 ose drejtohuni menjëherë në institucionin më të afërt shëndetësor.
Tutje, thuhet se shëndeti juaj është prioritet, prandaj, duhet treguar kujdes dhe vepruar me përgjegjësi.
“Në raste emergjente shëndetësore, telefononi 194 ose drejtohuni menjëherë në institucionin më të afërt shëndetësor. Shëndeti juaj është prioritet. Tregoni kujdes dhe veproni me përgjegjësi”.
