Ministria e Punëve të Jashtme e Republikës së Kosovës ka reaguar pas përshkallëzimit të situatës në Lindjen e Mesme, saktësisht sulmeve ajrore të Izraelit mbi Iranin, ku u ka bërë thirrje qytetarëve të Kosovës që janë në Izrael të qëndrojnë në vende të sigurta.
Derisa në Lindjen e Mesme situata vazhdon të jetë e tensionuar, MPJD ka ftuar qytetarët e Kosovës që për çdo nevojë për ndihmë të kontaktojnë Ambasadën e Republikës së Kosovës në Izrael.
Lexoni të plotë njoftimin:
Njoftim për qytetarët e Republikës së Kosovës në Izrael
Duke marrë parasysh përkeqësimin e situatës së sigurisë në Izrael dhe rajon, Ministria e Punëve të Jashtme dhe Diasporës, dhe Ambasada e Republikës së Kosovës në Izrael, këshillon të gjithë qytetarët e Kosovës që ndodhen aktualisht në Izrael, që të shmangin lëvizjet e panevojshme dhe të qëndrojnë në vende të sigurta.
Ju lutemi të ndiqni me përpikëri udhëzimet e Komandës së Mbrojtjes së Brendshme të Izraelit, të cilat mund t’i gjeni në linkun: https://www.oref.org.il/eng
Për çdo pyetje apo nevojë për ndihmë, ju lutemi mos hezitoni të kontaktoni Ambasadën e Republikës së Kosovës në Izrael në numrin:
+972 (0) 586 340 450.
