Kryeministri në detyrë, Albin Kurti, ka folur sot rreth takimit të djeshëm me kandidatin për kryeministër nga Partia Demokratike e Kosovës (PDK), njëherësh kryetarin e Mitrovicës së Jugut, Bedri Hamza, duke theksuar se ky takim ka qenë pjesë e bashkëpunimit institucional për të mirën e qytetarëve të të dy komunave.
Deklaratën Kurti e bëri pas përurimit të renovimit të Repartit të Pulmologjisë në Spitalin e Përgjithshëm të Prizrenit.
“E kemi thënë në komunikatën tonë: bashkëpunimi në shërbim të qytetarëve për të dy komunat, në të dy anët e Ibrit, për të njëjtin qytet në veri”, tha Kurti.
Gjatë ditës së djeshme, Kurti është takuar edhe me kryetarin e Mitrovicës së Veriut, Erden Atiq, në kuadër të këtij bashkëpunimi.
