Interi ka vendosur që për trajner të ri të skuadrës ta ketë rumunin Cristian Chivu.
Klubi ka nevojë për drejtues të ekipit pas largimit të Simone Inzaghit.
Inzaghi u largua nga Interi dhe nënshkroi kontratë dyvjeçare me Al Hilalin në futbollin e Arabisë Saudite.
Për trajner të ri tek Interi janë përmendur Cesc Fabregas e Patrick Vieira.
Por, Fabregasi do të mbetet te Como, ndërsa Vieira ka klauzolë lirimi prej 500 mijë eurove nga Genoa.
44-vjeçari Chivu ka qenë lojtar i Interit kur e fitoi “tripletën” në vitin 2010.
Më pas ka punuar tek ekipi i të rinjve.
Si trajner i një ekipi të parë ka qenë te Parma prej muajit shkurt.
Ai pati tri fitore, shtatë barazime dhe tri disfata, ndërsa Parma e siguroi mbijetesën.
